*தேவையான பொருள்கள்*
மைதா - 150 கிராம், வெண்ணெய் அல்லது டால்டா - 100 கிராம், பொடித்த சர்க்கரை - 75 கிராம், பேக்கிங் பவுடர் - அரை தேக்கரண்டி, முந்திரி பருப்பு - 10
*செய்முறை*
முதலில் தேவையான அனைத்து பொருட்களையும் தயாராக எடுத்து வைக்கவும்.ஒரு பாத்திரத்தில் டால்டா மற்றும் பேக்கிங் பவுடரை சேர்த்து கலக்கவும். பிறகு பொடித்த சர்க்கரையை சேர்க்கவும். இறுதியில் மைதா மாவை சேர்த்து நன்கு பிசையவும். பிசைந்த மாவை ஒரு ஏர்டைட் கன்டைனரில் போட்டு மூடி 2 மணி நேரம் வைத்திருக்கவும்.2 மணி நேரம் கழித்து பிசைந்து வைத்த மாவை எடுத்து சப்பாத்தியை போல் தேய்க்கவும்.சப்பாத்தியை போல் தேய்த்த மாவை வட்டமான பிஸ்கட்களாக வெட்டி எடுக்கவும்.மைக்ரோவேவ் சேஃப் ப்ளேட்டில் பிஸ்கட்களை அடுக்கி அதன் மேல் முந்திரியை வைத்து லேசாக அழுத்தி விடவும். கன்வெக்ஷனில் 200 டிகிரி சூட்டில் 10 அல்லது 12 நிமிடங்கள் வேக விடவும்.பிஸ்கட்கள் பேக் ஆனதும் எடுத்து விடவும்.
